港忍講直 2012/1/16

某周刊列出四大原因, 論述本港樓市在2012年下跌三成
筆者不敢苟同, 且看四大原因所述

(一) 二手樓市成交冰封
成交低唔代表市會跌, 勉強可以成立既係成交低市係唔會升o者!

(二) 銀行加息
香港仲未有加息既誘因。係2012年大家睇淡既情況之下, 生意人唔係幾想借錢, 香港可以問美國拿大把平(息)錢，息口想升有難度。銀行會減少借貸, 但係借出去既息口唔高, 所以銀行盈利有壓力係可以預見。君可於恆生銀行預期減派息一事見之
係2011年市民最感受到既政策, 應該係最低工資帶來既通脹壓力。通脹壓力令市民供樓能力下降, 先至係不爭既事實。

(三) 額外印花稅遲不取消
額外印花稅明顯是令二手樓市成交冰封既原因。還記得推出初時, 樓價由2011年1月到2011年4月升了一成。所以額外印花稅沒有推低樓市, 只係令業主賣樓多一個考慮因素，同埋令炒家唔可以貨換貨。以致業主更惜售。時至今日, 中原指樓已由約100點回落到95點，下跌井然有序, 未出現人踏人骨牌式下跌, 額外印花稅應記一功。另外, 有人話當2012年12月稅項實施夠兩年時第一批唔使納稅既盤會一湧而出, 造成「水霸」效應。其實而家賣樓已由交10%減到5%, 出貨情況未有劇增, 從以上所見大家可以放心。

(四) 歐債危機
恆生指樓由23000點跌到18000點, 同時地產股錄得跌幅已反映歐債負面因素。最近法國及其鄰國被降信貸評級, 但股市只稍為向下, 可見市場已消化負面消息。


總括2012年令樓市向下因素為銀行審慎借貸, 及金融、地產行業不景氣令高入息者人數向下，中國投資氣氛持續低企三個原因。由於原因屬慢性, 預測樓價拾級而下10%
下篇文章盡述原因