港忍講直 2012/2/5 荃灣西工廈起動?

荃灣工業區要分兩面, 分別係荃灣東近楊屋道一帶及荃灣西近柴灣角街一帶。
今日主要討論荃灣西工廈。同觀塘有同一概念, 荃灣西係幾年前已有大型商場進駐, 唯商場上蓋是住宅, 發展成商業區力度不足。近來在有線大廈旁的會德豐項目接近完成, 將會為荃灣西工業區帶來新的動力。荃灣去深圳較近, 出尖沙咀及旺角都算方便, 加上工廈臨海, 於年前已有人出錢投資…

億京荃灣工廈項目現已動工, 同有線大廈係同一條街, 將來配套完成步行去荃灣西站亦只係5-10分鐘。係2011年3月經濟日報報導, 該項目獲投資者預留五層；資深投資者鄧成波或有關人士也預留兩層。該項目樓高約36層，每層樓面4萬平方呎。

現時荃灣西較大的工廈有金熊工業中心, 順豐工業中心, 價錢為2000元一呎, 好多都仲係迷你倉進駐。
對比起觀塘新建的寧晉中心 6500 一呎, 或就近巧明街世達中心 二手的4000 一呎, 怪不得波哥都會落注。如果唔係買開工廈既, 附近屋苑可在下回講解。