假日充實好去處 – 深圳宜家傢具城

如果由你屋企搭車去元朗或屯門只係10蚊以下, 咁出發去深圳灣口岸附近既宜家家具會係一個好選擇。你可以先到屯門市中心輕鐵站再比$8搭B3, 或元朗西鐵站 / 籃地輕鐵站可用 $12搭 B2都可以20分鐘到口岸。

*籃地輕鐵站只要約8分鐘




到口岸之後, 打的到「宜家傢具」, 司機再唔明就同佢講北環立交的歐洲城, 比人仔$27-30就到了。2人同行由元朗計總車費 $12x2 + $27x1.21 ~= $56, 除開每人$28, 比出去銅鑼灣行街貴些少, 一陣再教你點慳反。

到達之後, 先看附近有B&Q 和 香江家電總匯。B&Q主題係裝修材料如瓷磚, 浴室瓷器, 適合為家居大裝修者行+逛。 入到宜家發覺面積十分大, 比香港鋪大大約5倍。價錢? 大型傢具唔見得平好多, 反而Accessories就平一半。睇中傢私要送貨要自己搵搬運公司送落香港。買個慳電胆6W約人仔4元, 香港10蚊既水杯佢$4.9有6個。入面人出人海, 除左買野你會發覺大陸宜家入面示範既櫃成日都爛既, 小心一開會跌出黎。多得同胞係入面熱烈試用。行都累你係唔會想坐係床上面料半分鐘, 因為佢張床一定亂過永唔執床既你(如果係…)



相片中影住馬桶一個, 從桶上的貼紙來說可能真係有人試用過。你都係唔好再諗, 眼不見為淨, 當多一個見識吧。

係遠離浴室示範區既係餐飲區, 可以食最出名既肉丸餐, $20有15粒丸,兩個人夠食, 加個碟頭飯都係$15, 再比12蚊有任飲x2 , 加埋50有找。


回程有$1巴士去世界之窗站, 每15min 一班, 或打的回口岸
整個行程車費連食膳2個人都係$56 x 2 + $50 約港元170, 係出面食餐飯都一定要, 而家仲可以加埋買到平野慳到錢 , 呢個行程可算係超值!!