供樓供樓供樓... 好煩

你唔好理咁多身邊人點講啦, 唔係人人有能力買樓, 所以先會有公屋, 居屋, 至安心等等,

你同你 bf 加埋先 18k, 即係average 都唔夠 10k, 假設你 parents / bf parents 俾錢你地做首期, 都要供, 1000 一個月點供啊?? 交公屋租都唔夠啦,

你都要諗下銀行會唔會批mortgage 俾你地先, 首先要睇 6個月入息, 仲要睇你負擔能力(萬一轉工幾個月無野做) 同埋壓力測試 (加息), 你供唔到就要做銀主盤,
化為污有.

唔係話你一定唔得, 而係 4年都話多, 兩個人儲 1000? 你想儲幾多年?? 你其實搵得唔多不如諗下可以點搵多d 好過,

最快: 搵過個有米 bf
最實際: 讀多d 書先
最搏: 自己做生意/ 做 sale, 多努多得.

你做個 planning 時要知己知彼, 你知道自己好難買私樓咪 start with 居屋, 公屋囉,

唔好為左人人有樓, 所以我都要有樓而煩, 唔係人人都要做樓的. 好多人叫你 save 多d, 個問題唔係 save 多d, 而係你地根本搵得太少, 個想頭又太大, 俾你 save 到盡 50%, 又點?? 一年都係 54000, 幾多年先有首期 ? 到時你都無其他 social life, 做一個樓奴, 你會開心嗎?? 如果有咩突發事, e.g. 病, 你又俾到錢嗎? 定係要按左層樓呢?

你而家個問題唔係死計要save 幾多幾耐, 而係去諗辦法脫離草根. 去開源

p.s. 我直接, 但我唔係想 hurt 你, 只係想你認清個現實. 我都係草根出生,但我覺得只你肯學肯做, 後生女係香港仲有好多機會.